एचआईडी फूटबल मैदानको विकासमा सरकारको ध्यान पुग्न सकेन
- नेप्लेज
- |
- २०७८-०८-१३
- |
- 666 पटक हेरिएको
हेटौंडा उपमहानगरपालिका वडा नम्बर ८ स्थित हेटौंडा औद्योगिक क्षेत्रमा रहेको एचआईडी फूटबल मैदान (हनुमान गेट) को विकासको लागि कुनैपनि सरकारको ध्यान पुग्न सकेको छैन ।
कुनै समय विभिन्न खेलकुदका कार्यक्रमहरु हुने र दर्शकले भरिभराउ हुने यस एचआईडी फूटबल मैदान अहिले जिर्ण अवस्थामा रहेको छ । एचआईडि फूटबल मैदानमा बिगत लामो समयदेखि कुनैपनि राष्ट्रिय खेलकुदको आयोजना हुन सकेको छैन ।
एचआईडी फूटबल मैदानमा हालसम्म तिन राष्ट्रिय खेलहरु सञ्चालन भएको छैन । २०७४ सालमा युनाइटेड नाइन फुटबल क्लबको आयोजनामा अन्डर-२३ फुटबल प्रतियोगिता समपन्न भएपछि त्यसयता कुनैपनि प्रतियोगिता आयोजना भएको छैन । जिल्ला लिग र बिधालय स्तरीय फूटबल प्रतियोगिता एकपटक आयोजना भएका छैन ।
हेटौंडा औद्योगिक क्षेत्रभित्र पर्ने एचआईडि फूटबल मैदानको विकासमा हेटौंडा औद्योगिक क्षेत्रले बिगत लामो समयदेखि रोक लगाएको नेपाली राष्ट्रिय खेलाडि प्रदिप महर्जनले आरोप लगाए ।
नगर खेलकुद विकास समितिका अध्यक्ष चन्द्र शाहीले अब चाँडै नै एचआईडी फूटबल मैदानको विकासमा स्थानीय क्लबहरु एकजुट भएर पूर्वाधार विकासमा लागिपर्ने बताए । साथै हेटौंडा उपमहानगरपालिका वडा नम्बर ८ र ९ को सहकार्य भए पूर्वाधार विकासमा लाग्न सहयोग हुने स्पष्ट पारे।