शतक गुमाउनु भन्दापनि टिमलाई याेगदान गर्नपाए त्याे महत्वपूर्ण हाे-कुशल भुर्तेल
- नेप्लेज
- |
- २०७८-०५-२९
- |
- 1012 पटक हेरिएको
हाइलाइट्स
- कुशलले खेलपछि आफु शतकबाट चुकेको भएपछि टिमको तिज निकै महत्वपुर्ण रहेको र त्यसमा नै खुसी रहेको बताए ।
- उनले टिमलाई महत्वपुर्ण योगदान गर्ने बेलामा आफुले गर्न पाएकोमा त्यसैमा खुसी भएको बताए ।
एकदिवशीय क्रिकेटमा पीएनजीविरुद्धको सिरिजमा डेब्यु गरेका युवा खेलाडी कुशल भुर्तेलले अमेरिकाविरुद्धको खेलमा उत्कृष्ट पारी खेल्दै एकदिवशीय क्रिकेटमा पहिलो अर्धशतक बनाए । नेपालको ओपनरका रुपमा आएर जिम्मेवारी पारि खेलेका कुशलले आशिफ शेखसँग मिलेर एकदिवशीय क्रिकेटमा कीर्तिमानी साझेदारीमात्र गरेनन्, ब्यक्तिगत उच्च स्कोरपनि गरे ।
सन् २०१९ मा यूएईविरुद्धको खेलमा ज्ञानेन्द्र मल्ल र विनोद भण्डारीले बनाएको ६१ रनको साझेदारीलाई तोड्दै कुशल र आशिफको जोडीले ६६ रनको साझेदारी गरे । नेपाललाई बलियो सुरुवात गराएका कुशल, आशिफ आउट भएपछि पनि रोहित पौडेलसँग ५१ रनको पार्टनरसिप गर्न सफल भए । तर कुशलले अमेरिका विरुद्ध शतकको नजिक पुगेरपछि त्यो पुरा गर्न सकेनन् । उनी ८४ रन हुँदा निसार्ग पटेलको बलमा एलबीडब्लु आउट भए ।
अम्पायरले आउट दिँदा उनी आफैले विश्वास गरेका थिएनन् । जसका कारण उनी क्रिजबाट बाहिर जाँदा पनि निकै निराश र असन्तुष्टिका साथ गएका थिए । टिमलाई बलियो स्थितीमा पुर्याएर आउट हुन अगाडि कुशलले ९३ बलमा तीन चौका र तीन छक्का प्रहार गरे ।
तिनै कुशलले खेलपछि आफु शतकबाट चुकेको भएपनि टिमको तिज निकै महत्वपुर्ण रहेको र त्यसमा नै खुसी रहेको बताए । साथै उनले टिमलाई महत्वपूर्ण योगदान गर्ने बेलामा आफुले गर्न पाएकोमा त्यसैमा खुसी भएको प्रतिक्रिया दिए ।
उनले नेपाललाई बलियो सुरुवात गराउन आशिफसँग गलत सट नखेल्ने भन्ने योजना बनाएको र त्यसमा हामी केहि हदसम्म सफल पनि भएको बताए । साथै उनले यो पारिले आफ्नो मनोबल उच्च भएको र अझ राम्रो गर्नुपर्ने र त्यसका लागि अझ मेहेनत गर्ने बताए ।
हेराैं कुशलसँगकाे कुराकानी