ला लिगाको भ्यालु २४ बिलियन भन्दा बढि, नयाँ सम्झौताले बार्सा र रियललाई ठूलो राहत

Kelmi

  • नेप्लेज
  • |
  • २०७८-०४-२०
  • |
  • 818 पटक हेरिएको

हाइलाइट्स


  • ला लिगाले सिभीसी क्यापिटल पार्टनर्ससँग सम्झौता गरेपछि दुई दशमलव ७ बिलियन युरो निकाल्न पाउने भएको छ ।

ला लिगाले सिभीसी क्यापिटल पार्टनर्ससँग सम्झौता गरेपछि दुई दशमलव ७ बिलियन युरो निकाल्न पाउने भएको छ । यसले रियल र बार्सिलोनाका लागि ठूलो खुसीको खबर हुने भएको छ।  

रियल आफ्नो घरेलु मैदान स्तादियो सान्टियागोको पुर्ननिर्माणका लागि बजेट खोजिरहेको थियो भने बार्सिलोना लियोनल मेस्सीको नयाँ सम्झौताका लागि रकम जुटाउन सकिएको थिएन ।

तर ला लिगाले गरेको यो सम्झौताबाट आउने रकमले उनीहरुलाई ठूलो राहत हुने भएको छ । 

ला लिगाले सो कम्पनीसँग सम्झौता गर्नका लागि करिव एक बर्षदेखि प्रयास गरिरहेको थियो । सम्झौताबाट आएका रकम ला लिगा क्लवको सुविधामा खर्च हुनेछ । 

२.७ बिलियन युरोको १५ प्रतिशत रकम सोझै क्लवहरुको खेलाडी अनुबन्ध र टिम बनाउनमा खर्चृ गरिनेछ । बाँकी रकम पुर्वाधार निर्माणमा लगानी हुनेछ । 

यो लगानीको स्विकृती भएपछि ला लिगाको भ्यालु २४ बिलियन युरो भन्दा बढि भएको छ ।

यो रकमबाट दुई सय ७० मिलियन युरो बार्सिलोनाले पाउनेछ भने रियलले दुई सय ६१ मिलियन युरो हात पार्नेछ ।

यो रकमले बार्सिलोनाले मेस्सी र रियलले केलियन एम्बाप्पेलाई भित्र्याउन सजिलो हुनेछ । यसका साथै साना क्लवका लागि पनि राहत हुने भएको छ । 

भर्खरै

Advertisement

nepalipatro

Bike price in Nepal

Price of Electric car in Nepal

Best Electric car in Nnepal