उमेरलाई चुनौति दिँदै टोकियो ओलम्पिकमा ६६ वर्षिय हन्ना
- एजेन्सी
- |
- २०७८-०४-०८
- |
- 1102 पटक हेरिएको
ओलम्पिक खेलकुदलाई सबैभन्दा कठिन र चुनौतिपुर्ण प्रतियोगिताको रुपमा लिइन्छ । ओलम्पिकमा उमेरको साथसाथै फिटनेसलाई ध्यानमा राखिन्छ ।
तिनै खेलाडी ओलम्पिकका लागि छनोट हुन्छन् जो शारिरीक र मानसिक रुपमा स्वस्थ हुन्छन् ।
तर टोकियो ओलम्पिकमा केही खेलाडी यस्ता पनि रहेका छन् जसले आफ्नो उमेरलाई नै चुनौति दिँदै प्रतियोगितामा होमिएका हुन्छन् ।
यस्तै एक उदाहरण हुन् अष्ट्रेलियाकी ६६ वर्षिय मेरी हन्ना । हन्नाले आफ्नो करियरकोे सातौं ओलम्पिक खेल्दै छिन् ।
उनले ४ वर्षकोे उमेरदेखि हर्स राइडिङ शुरु गरेकी थिइन भने अहिले उनी ओलम्पिकमा सहभागिता जनाउने इतिहासकै दोश्रो अधिक उमेर भएका ओलम्पियन बन्ने भएकी छन् ।
सबैभन्दा प्रौढअवस्थामा ओलम्पिक खेल्ने रेकर्ड भने ७० वर्षिय ब्रिटिस ओलम्पियन लोर्न जोनसनको नाम रहेकोे छ ।