जिम्बावेविरुद्धको सिरिज बंगलादेशले क्लिनस्वीप गर्यो
- नेप्लेज
- |
- २०७८-०४-०५
- |
- 566 पटक हेरिएको
जिम्बावेविरुद्धको एक दिवसीय सिरिज बंगलादेशले क्लिनस्वीप गरेको छ । तीन वटा म्याचको एक दिवसीय बंगलादेशले ३–० ले जितेको हो । पहिलो खेल १५५ रनले जितेको बंगलादेशले दोस्रो खेल ३ विकेटको जित दर्ता गरेको थियो ।
यसैगरी आज भएको तेस्रो खेलमा बंगलादेशले ५ विकेटको जित दर्ता गर्दै सिरिज क्लिनस्वीप गरेको हो । जिम्बावेले दिएको २९९ रनको लक्ष्य पछ्याएको बंगलादेशले १२ बल बाँकी छँदै ५ विकेट गुमाएर ३०२ रन बनाएको थियो ।
बंगलादेशलाई जिताउनका लागि कप्तान तमिम इक्बालले शतकीय पारि खेलेका थिए । ११२ रन बनाएका इकबालले ९७ बल फेस गर्दा तीन छक्का र ९ चौका प्रहार गरे ।
यसैगरी नुरुल हसन ४५ तथा अफिफ होसेन २६ रनमा नटआउट रहे । लिटन दासले ३२ रन बनाउँदा सकिब अल हसन र मोहम्मद मिथुनले ३०–३० रनको पारि खेले । डोनाल्ड ट्रिपोनो, वेस्ली म्याथवेभरले समान दुई दुई विकेट लिए ।
त्यसअघि पहिला ब्याटिङ गरेको जिम्बावेले निर्धारित ओभरको तीन बल बाँकी छँदा २९८ रन बनाएर अलआउट भएको थियो । उसका लागि रेगिस चकाबभाले ८४ रन बनाउँदा रायन ब्रुलले ५९ रनको योगदान गरेका थिए ।
यसैगरी सिकन्दर राजले ५७ रन बनाउँदा डियोन मेर्सले ३७ रनको योगदान गरे । बंगलादेशका मोहम्मद साइफुदिन र मुस्तिफिजुर रहेमानले समान तीन तीन विकेट लिए । अब यी दुई टिमले तीन वटा टी २० म्याच खेल्ने छन् ।