क्षमता र उपाधि जितेको आधारमा बलुन डी योर दिने हो भने म अग्रपंक्तिमा छु-जोर्गिन्हो
- नेप्लेज
- |
- २०७८-०३-३०
- |
- 2097 पटक हेरिएको
हाइलाइट्स
यदि क्षमताका आधारमा उपाधि दिइने हो भने आफु उत्कृष्ट भएको र यदि उपाधि कसले कति जित्यो भन्ने मापदण्ड राख्ने हो भने आफुले जति अरुले नजितेको बताए ।
यो बर्षको बलुन डि योरको अवार्ड कसले जित्छ भन्ने कौतुहल अहिलेबाट नै सुरु भइसकेको छ । यस्तैमा युरोकप विजेता इटालीका खेलाडी जोर्गिन्होको पनि यसको मुख्य दावेदारका रुपमा अगाडी आएका छन ।
कोपा अमेरीकाको उपाधि जितेपछि लियोनल मेस्सीपनि बलुन डी योरको होडमा रहेका छन । तर च्याम्पियन्स लिग र युरोकपको उपाधि एकै सिजनमा जितेका जोर्गिन्हो अग्रपंक्तिमा रहेका छन ।
जोर्गिन्होले बलुन डी योरका विषयमा बोल्दै सबैको सपना सो उपाधि जित्ने रहेको र आफ्नो इच्छा पनि बलुन डी योर को उपाधि चुम्ने रहेको बताएका छन । तर उनले सबै कुरा कस्तो मापदण्ड राखिन्छ भन्नेमा भरपर्ने बताए ।
यदि क्षमताका आधारमा उपाधि दिइने हो भने आफु उत्कृष्ट भएको र यदि उपाधि कसले कति जित्यो भन्ने मापदण्ड राख्ने हो भने आफुले जति अरुले नजितेको बताए ।
उनले मेस्सी, नेयमार र रोनाल्डोसँग आफ्नो तुलना गर्न नसक्ने बताउँदै उनीहरु विलकुल फरक चरित्रका खेलाडी भएको बताए ।
ब्राजिलमा जन्मिएका जोर्गिन्होले सन् २०१७ मा इटालीबाट खेल्ने निर्णय गरेका थिए । त्यो बेला ब्राजिलले पनि उनलाई टिममा राख्न खोजेको थियो । तर उनले इटालीलाई नै रोजेका थिए ।
उनले इटालीबाट खेल्नका लागि एकपटक भन्दा बढि नसोचेको बताएका छन । यू २१ मा इटालीविरुद्धको खेलपछि उनलाई ब्राजिलले टिममा राख्न खोजेको थियो ।
तर उनले त्यो बेला आफुलाई इटालीको खाँचो रहेको भन्दै ब्राजिलको प्रस्तावलाई अस्विकार गरेका थिए । उनले आफ्नो मनबाट नै इटालीबाट खेल्नुपर्छ भन्ने भावना आएपछि खेलेको बताए ।