काेपा अमेरिकाकाे उपाधि अर्जेन्टिनालाई
- एजेन्सी
- |
- २०७८-०३-२७
- |
- 1588 पटक हेरिएको
कोपा अमेरिका फुटबलको उपाधि अर्जेन्टिनाले जितेको छ ।
आज विहान भएको फाइनलमा घरेलु टोली ब्राजिललाई १–० गोल अन्तरले पराजित गर्दै अर्जेन्टिनाले कोपा अमेरिकाको उपाधि जितेको हो ।
अर्जेन्टिनाका कप्तान लियोनल मेस्सीले पहिलो ठूलो उपाधि जित्न सफल भए ।
खेलको २३ औं मिनेटमा डी पाउलको लामो पासमा एंगेल डी मारियाले ब्राजिली गोलरक्षक एडरसनलाई छक्याउँदै गोल गरेका हुन् । ब्राजिलले पनि खेलमा फर्कन धेरै प्रयास गरेपनि असफल रह्याे ।
सन् १९९३ मा कोपाको उपाधि जितेपछि अर्जेन्टिनाले प्रमुख प्रतियोगिताहरुमा ६ पल्ट फाइनल खेल्दा सधैं उपविजेतामा सिमित हुन पुगेको थियो ।
२०१५ र २०१६ को कोपाको फाइनलमा अर्जेन्टिना फाइनलमा चिलीसँग पराजित रहेको थियो ।