पाकिस्तानविरुद्धको पहिलो एक दिवसीयमा इंग्ल्याण्डलाई सफलता
- एजेन्सी
- |
- २०७८-०३-२५
- |
- 932 पटक हेरिएको
हाइलाइट्स
- पाकिस्तान ३५.२ ओभर १४१
- इंग्ल्याण्ड २१.५ ओभर १-१४२
पाकिस्तानविरुद्ध इंग्ल्याण्डले एक दिवसीय क्रिकेटमा सानदार जित दर्ता गरेको छ । गएराति कार्डिफमा भएको खेलमा इंग्ल्याण्ड ९ विकेटको फराकिलो जित दर्ता गर्न सफल भएको हो ।
तीन म्याचको एक दिवसीय सिरिजमा घरेलु टोली इंग्ल्याण्डले १–० को अग्रता पनि लिन सफल भएको छ ।
१४२ रनको जवाफी पारिमा इंग्ल्याण्डको शुरुवात भने राम्रो रहेन । फिलिप साल्ट जम्मा ७ रन बनाएर आउट भएका थिए ।
त्यसपछि डेभिड मलान र ज्याक क्रलीले पारि सम्हाल्दै इंग्ल्याण्डलाई फराकिलो जित दिलाउन सफल रहे ।
मलान नटआउट ६८ तथा क्रली नटआउट ५८ रनमा रहँदा खेल इंग्ल्याण्डले जितेको थियो ।
उनीहरुले २२ औं ओभरको एक बल बाँकी छँदा जित पक्का गरेका थिए । टस हारेर पहिला ब्याटिङ गरेको पाकिस्तान ३५.२ ओभरमा सवै विकेट गुमाएर १४१ रनमा समेटिन पुग्यो ।
टिमको खाता नखुल्दै पहिलो बलमा पाकिस्तानका इमान उल हक पभेलियन फर्किएका थिए ।
दोस्रो विकेटका रुपमा कप्तान बाबर आजमले पनि २ बल फेस गर्दा खाता नै नखोली आउट हुन पुगे । १७ रन हुँदा पाकिस्तानले तेस्रो विकेट गुमाएको थियो ।
उसका मोहम्मद रिजवान व्यक्तिगत १३ रन बनाएर आउट भएका थिए ।
२६ रन हुँदा चौथो विकेट गुमाएको थियो । त्यतिबेला पाकिस्तानका सउद साकेल जम्मा चार रनको योगदानका साथ क्रिजबाट हटेका थिए ।
त्यसपछि फकर जमान र सोहेब मक्सुदले पाकिसतानको पारि सम्हाल्न खोजेका थिए ।
मक्सुद १८.३ ओभरमा व्यक्तिगत १९ रन बनाएर आउट हुँदा पाकिस्तानले ७९ रनमा पाचौं विकेट गुमाएको थियो ।
त्यसलगत्तै फकर जमान पनि आउट भएपछि ९० रनमा पाकिस्तानका ६ खेलाडी पभेलियन फर्किएका थिए ।
जमानले सर्वाधिक ४७ रनको पारि खेले ।
फहिम असरफले ५ रनको योगदान गर्दा हसन अलिले ६ रन बनाए भएका थिए ।
यसैगरी सदाव खानले दोस्रो ठूलो स्कोरको रुपमा ३० रन बनाउँदा अन्तिम विकेटको रुपमा सहेन सा अफ्रिदीले १२ रन बनाए ।
इंग्ल्याण्डका सकिब महमुदले सर्वाधिक ४ विकेट लिँदा सिराग ओभर्टनले दुई विकेट हात पारे ।