इंग्ल्याण्ड र डेनमार्कविचकाे पहिलाे हाफ १-१ गाेलकाे बराबरीमा
- नेप्लेज
- |
- २०७८-०३-२४
- |
- 1049 पटक हेरिएको
हाइलाइट्स
वेम्ब्ली रंगशालामा इंग्ल्याण्डले डेनमार्कको एक गोलको अग्रतालाई बराबरी गर्न सफल भयो ।
युरोकपको दोस्रो सेमिफाइनलमा अहिले इंग्ल्याण्ड र डेनमार्कविच प्रतिस्पर्धा भइरहेको छ । जसमा पहिलो हाफमा दुबै टिमले एक एक गोलको बराबरी खेलेका छन ।
लण्डन स्थित वेम्ब्ली रंगशालामा इंग्ल्याण्डले डेनमार्कको एक गोलको अग्रतालाई बराबरी गर्न सफल भयो । निकै आक्रामक खेल खेलेको इंग्ल्याण्डले १३ औं मिनेटमा राम्रो मुभ बनाएको थियो । उसका रहिम स्ट्रलिङको प्रहारलाई डेनीस गोलकिपरले बचाए ।
२५ औं मिनेटमा डेनमार्कले राम्रो अवसर गुमायो । उसका डाम्सगार्डले गरेको प्रहार पोष्ट बाहिर रह्यो ।
तर खेलको ३० औं मिनेटमा डेनमार्कले अग्रता बनायो । उसका लागि मिकेल डाम्सगार्डले उत्कृष्ट गोल गर्न सफल भए । उनले प्रहार गरेको फ्रिकिक सोझै गोलमा परिणत भयो । जारी युरोकपमा फ्रिकिकमा सोझै गोल भएको यो पहिलो पटक हो ।
एक गोलले पछि परेको इंग्ल्याण्डका रहिम स्ट्रलिङले ३८ औं मिनेटमा गोलको प्रयास गर्दा सफल भएनन् ।
तर ३९ औं मिनेटमा इंग्ल्याण्डले खेल बराबरी गर्न सफल भयो । साकाले गरेको प्रहारलाई क्लियर गर्ने क्रममा डेनमार्कका डिफेन्डर तथा कप्तान सिमोनले आत्मघाती गोल गर्न पुगे । जारी प्रतियोगितामा यो ११ औं आत्मघाती गोल हो ।