टाेकियाेमा फेरी आपतकालिन घाेषणा हुने, ओलम्पिक बिना दर्शक गरिने
- नेप्लेज
- |
- २०७८-०३-२३
- |
- 906 पटक हेरिएको
हाइलाइट्स
पछिल्लो पटक टोकियोमा कोरोनाको संक्रमण दर बढेपछि जापान सरकारले ओलम्पिकलाई बन्द रंगशालामा गराउने निर्णय गरेको छ । जापान सरकारले टोकियोमा फेरी आपतकालिन घोषणा गर्ने भएको छ ।
जापानमा हुने टोकियो ओलम्पिक बन्द खेल स्थलमा हुने भएको छ । पछिल्लो पटक टोकियोमा कोरोनाको संक्रमण दर बढेपछि जापान सरकारले ओलम्पिकलाई बन्द रंगशालामा गराउने निर्णय गरेको छ । जापान सरकारले टोकियोमा फेरी आपतकालिन घोषणा गर्ने भएको छ ।
यसको औपचारिक निर्णय आइओसीसँगको छलफलपछि हुने भएको छ । आइओसीका अध्यक्ष थोमस बाख विहिबार टोकियो पुग्नेछन । त्यसपछि आयोजकसँगको छलफलपछि औपचारिक निर्णय गरिनेछ ।
टोकियोको मेयर युरिको कोइकीले सरकारले नै आपतकालिनको घोषणा गर्ने र त्यो समयाअवधि अगष्ट २२ सम्म हुने संभावना भएकाले ओलम्पिक बन्द रंगशालामा हुने बताइन ।
यस्तै मेडिकल एक्सपर्टलेपनि दर्शकविनाको खेल गराउनु सबै भन्दा सुरक्षित उपाय भएको बताएका छन ।
पछिल्लो पटक टोकियोमा कोभिडको असर कम देखिएपछि आपतकालिनको समय पनि हटाइएको थियो भने खेलस्थलमा क्षमताको १० प्रतिशत घरेलु समर्थक राख्ने भनिएको थियो ।
तर मे को मध्यपछि अहिले सबैभन्दा धेरै कोरोना संक्रमित देखिएपछि फेरी अवस्था फेरीएको छ । सेप्टेम्बर २३ बाट हुने प्रतियाेगिताका लागि नेपालबाट चार खेलका पाँच खेलाडी जाने पक्का छ । यसमा पाैडीकाे दुई खेलाडी प्रशिक्षणका लागि जापान पुगिसकेका छन ।