१५ पल्टको च्याम्पियन उरुग्वे कोपा अमेरिकाको क्वाटरफाइनलबाटै बाहिरियो
- एजेन्सी
- |
- २०७८-०३-२०
- |
- 1513 पटक हेरिएको
उपाधि दावेदार उरुग्वे कोपा अमेरिकाको क्वाटरफाइनलबाटै बाहिरिएको छ ।
आज विहान भएको खेलमा उरुग्वेको कोलम्बियासँग पेनाल्टी शुटआउटमा पराजय ब्यहोरेको हो ।
१५ पल्टको विजेता उरुग्ले सन् २०११ देखि कोपा अमेरिका उपाधिको खोजीमा छ ।
तर क्वाटरफाइनलमै पराजित भएपछि उसको उपाधि प्रतीक्षा कम्तिमा चार वर्ष धकेलिएको छ ।
ब्रासिलियाको राष्ट्रिय रंगशालामा भएको खेलमा निर्धारित र अतिरिक्त समयमा दुवै टोलीले गोल गर्न सकेनन् ।
पेनाल्टी शुटआउटमा कोलम्बिया ४–२ गोलले विजयी भयो ।
कोलम्बियाका सबैले पेनाल्टीमा गोल गर्दा उरुग्वेका इडिन्सन काभानी र लुइस स्वारेजले मात्र गोल गरे ।
सेमिफाइनलमा कोलम्बियाले अर्जेन्टिना र इक्वेडरबीच अन्तिम क्वाटरफाइनल खेलको विजेतासँग प्रतिस्पर्धा गर्नेछ ।