विश्वकप र आईपीएलबारे आज औपचारिक निर्णय !
- नेप्लेज
- |
- २०७८-०३-१४
- |
- 750 पटक हेरिएको
भारतीय क्रिकेट कन्ट्रोल बोर्ड बीसीसीआईले स्थगित भएको इन्डियन प्रिमियर लिग आईपीएल र टी २० विश्वकप बारे निर्णय गर्ने बताइएको छ ।
कोरोना महामारीका कारण स्थगित भएको आईपीएलका ३१ खेल हुन बाँकी छ ।
ती खेलहरु युएईमा गर्ने तय भइसकेको छ ।
पछिल्लो जानकारी अनुसार आईपीएलको प्रतियोगिता आयोजना गर्ने तालिकामा केही परिमार्जन हुने भएको छ ।
अक्टुबरमै आयोजना हुने टी २० विश्वकपलाई मध्यनजर गर्दै आईपीएलको तालिका परिमार्जन गर्न लागिएको हो ।
अहिलेसम्म आईपीएल १९ सेप्टेम्बरदेखि १५ अक्टोबरसम्म गर्ने तयारी गरिएको छ । त्यसलगत्तै विश्वकप अर्थात १७ अक्टोबरदेखि चार नोभेम्बरसम्म युएईमै हुने लगभग तय छ ।