कोपा अमेरिका : ब्राजिल र इक्वेडर बराबरी, पेरुको जित
- एजेन्सी
- |
- २०७८-०३-१४
- |
- 1393 पटक हेरिएको
कोपा अमेरिका फुटबलमा समूह एबाट क्वाटरफाइनलमा प्रवेश गर्ने टिमको टुंगो लागको छ ।
आज विहान सकिएका खेलमा ब्राजिल र इक्वेडोर एक एक गोलको बराबरीमा रोकिँदा पेरुले भेनेजुएलालाई १–० गोल अन्तरले पराजित गरेको थियो ।
ब्राजिलले अग्रता जोगाउन असफल भएको थियो ।
ब्राजिलका लागि इडर मिलिटाओले ३७ औं मिनेटमा गोल गर्दै ब्राजिललाई अग्रता दिलाएका थिए । तर, ५३ औं मिनेटमा एन्जल मिनाले गोल गरेपछि इक्वेडोरले बराबरी गर्न सफल भयो ।
यो नतिजासँगै ब्राजिल समूह चरणका चार खेलबाट १० अंक जोड्दै क्वाटरफाइनलमा प्रवेश गर्दा इक्वेडोर चौथो स्थानमा रहेर अन्टिम आठमा प्रवेश गर्न सफल भयो ।
सोही समयमा भएको अर्को खेलमा पेरुले भेनेजुएलालाई १–० ले स्तब्ब पार्दै समूह चरणबाट बाहिर पठायो । पेरुका लागि ४८ औं मिनेटमा एन्डर क्यारिलियोले गरेको एक मात्र गोल नै निर्णायक बनेको थियो ।