भारतीय कप्तानबाट कोहली हट्लान त ?
- एजेन्सी
- |
- २०७८-०३-१०
- |
- 1438 पटक हेरिएको
हाइलाइट्स
कप्तानको रुपमा कोहली आईसीसीको उपाधि उचाल्नका लागि असफल भएकाले आउँदो टी २० विश्वकपमा रोहित शर्मालाई कप्तानी दिनुपर्ने आवाज अब क्रमश बढ्न थालेको हो ।
आईसीसीले पहिलो पटक आयोजना गरेको विश्व टेस्ट च्याम्प्यिनसिपको फाइनलमा भारत न्यूजिल्याण्डसँग ८ विकेटले पराजित भएको छ ।
शीर्ष स्थानमा रहँदै फाइनल खेलेको भारत दोस्रो स्थानमा रहेको न्यूजिल्याण्डसँग पराजित हुन पुगेको हो ।
भारतले २ वर्षअघि शुरु भएको टेस्ट च्याम्पियसिपको समूह चरणका १७ मध्य १२ टेस्ट जितेको थियो भने न्यूजिल्याण्ड ७ टेस्ट जित्दै फाइनलमा पुग्न सफल भएको थियो ।
कोरोना महामारीका कारण पनि न्यूजिल्याण्डलाई फाइदा पुगेको थियो ।
इंग्ल्याण्डको साउथ ह्याम्पटनमा भएको विश्व टेस्ट च्याम्पियनसिपमा भारतले लिएको जम्मा १३९ रनको लक्ष्य न्यूजिल्याण्डले २ विकेट गुमाएर पुरा गरेको थियो ।
फाइनलमा न्यूजिल्याण्डसँग पराजित भएपछि भारतमा फेरि एक पटक कप्तानबाट विराट कोहलीलाई हटाउनु पर्ने आवाज उठ्न थालेको छ ।
भारतीय सञ्चारमाध्यम जी न्यूजले कप्ताबाट कोहली हट्नु पर्ने समाचार प्रकाशित गरेको छ ।
उसले कोहलीलाई टिमबाट हटाएर सिमित ओभरका उप कप्तान रहेका रोहित शर्मालाई कप्तानी दिनुपर्ने खबर प्रकाशित गरेको हो ।
भारतीय टिमका पूर्व विकेट किपर तथा पूर्व सेलेक्टर किरन मोरेले इंग्ल्याण्ड सिरिज पछि भारतीय टिममा परिवर्तन देखिने भविष्यवाणी गरेका थिए ।
महेन्द्रसिंह धोनी पछि सबै फर्म्याटको कप्तान बनेका कोहलीलाई पहिलो पटक आईसीसीको ठूलो टुर्नामेन्टको उपाधि जित्ने अवसर रहेको थियो ।
तर त्यसमा उनी पुरै असफल भएका छन् । ६ दिनसम्म चलेको खेलमा बर्षा बाधक बनेपनि समग्रमा तीन दिनमै उनको टिम पराजित बन्न पुग्यो ।
कप्तानको रुपमा कोहलीको टिम पहिलो पटक आईसीसीको टुर्नामेन्टमा पराजित भएको भने होइन ।
यसअघि २०१७ को च्याम्पियन्स ट्रफीको फाइनलमा भारत पाकिस्तानसँग पराजित भएको थियो ।
त्यतिबेला पनि कोहली नै कप्तान थिए ।
यसैगरी पछिल्लो विश्वकपको सेमिफाइनलमा न्यूजिल्याण्डसँगै पराजित हुँदा उनी नै कप्तान थिए ।
कप्तानको रुपमा कोहली आईसीसीको उपाधि उचाल्नका लागि असफल भएकाले आउँदो टी २० विश्वकपमा रोहित शर्मालाई कप्तानी दिनुपर्ने आवाज अब क्रमश बढ्न थालेको हो ।