युरो २०२० : ग्रिजम्यानको गोलले फ्रान्सलाई राहत
- एजेन्सी
- |
- २०७८-०३-०५
- |
- 627 पटक हेरिएको
युरो २०२० मा फ्रान्स र हंगेरीले एक एक गोलको बराबरी खेलेका छन् ।
भर्खरै सकिएको खेलमा एक गोलले पछि परेको फ्रान्सलाई ग्रिजम्यानले दोस्रो हाफमा गोल गर्दै बराबरीमा ल्याएका थिए ।
बुढापेस्टमा भएको खेलमा घरेलु टोली हंगेरीले पहिलो हाफको अतिरिक्त दोस्रो मिनेटमा एटिला फोइलाले गोल गर्दै अग्रता दिलाएका थिए । बल पासेसनमा फ्रान्स अघि देखिए पनि रोलान्ड सालेइको पासमा गोल गरेका थिए ।
दोस्रो हाफमा फ्रान्सले गोल फर्काउन निकै प्रयास गरे पनि ६६ औं मिनेट कुर्नु परेको थियो ।
६६ औं मिनेटमा एन्टोनी ग्रिजम्यानले गोल गरेपछि फ्रान्स खेलमा फर्किएको थियो । दुवै टिमले एक एक गोलको बराबरी खेल्दै एक एक अंक लिएपछि समूह एफमा चार अंक बनाउँदै शीर्ष स्थानमा रहेको छ भने एक अंक जोडेको हङगेरी तेस्रोे स्थानमा रहेको छ ।
यो समूहमा रहेका पोर्चुगल र जर्मनीबीच पौने १० बजे खेल हुँदै छ । पोर्चुगल तीन अंकसहित दोस्रो स्थानमा रहँदा जर्मनीले खाता खोल्न सकेको छैन ।