राष्ट्रिय खेलकुद परिषद (राखेप)ले गण्डकी प्रदेशका पूर्व खेलकुदमन्त्री तथा वर्तमान भौैतिक पूर्वाधार मन्त्री राजीव गुरुङ (दीपक मनाङे)ले एक टेलिभिजन अन्तवार्ताका क्रममा दिएको अभिव्यक्तिको भर्त्सना गर्दै कारबाहीको माग गरेको छ ।

आज राखेपका निमित्त सदस्यसचिव पुरेन्द्र विक्रम लाखेले वक्तव्य जारी गर्दै राखेप सदस्यसचिव रमेशकुमार सिलवाल र राखेप सदस्य राजेश गुरुङको नामै लिएर दिएको अभिव्यक्त अशोभनीय र घोर निन्दनीय भएकोमा ध्यानाकर्षण भएको बताएका छन् ।

जनप्रतिनिधिबाट समाजले पचाउन नसक्ने अभिव्यक्ति जनप्रतिनिधिबाटै आउनु खेदजनक भएको वक्तव्यमा उल्लेख छ ।

वक्तव्यमा मनाङेको अभिव्यक्तिले खेलजगतको अपमान भएको र कानूनअनुसार कारबाही गर्न माग गरिएको छ ।