युक्रेनकाे जर्सीमा लेखिएकाे ‘स्लाेगन’ हटाउन युइएफएकाे निर्देशन
- नेप्लेज
- |
- २०७८-०२-२७
- |
- 570 पटक हेरिएको
युरो कपका लागि तयार पारेको नयाँ जर्सीमा प्रयोग गरेको ‘ग्लोरी टु दी हिरोज’ भन्ने फ्रेजलाई हटाउन युरोपियन फुटबल महासंघले युक्रेनलाई आग्रह गरेको छ ।
पहिलो पटक युक्रेनले जर्सीमा नयाँ नक्सा बनाएको थियो । जसमा विवादास्पद रुपमा रहेको क्राइमियाको नक्सालाई पनि समावेश गरेको थियो । त्यसमा रसियाले आपत्ती जनाएको थियो ।
तर युरोपियन फुटबल महासंघले क्राइमियाको नक्सालाई राख्दा कुनै आपत्ती नभएको तर त्यसमा प्रयोग गरेको लाइनलाई भने हटाउन भनेको छ ।
जर्सीमा प्रयोग गरेको लाइन आर्मीमा समर्पित गरेको र त्यसले राजनितीक संकते गर्ने भन्दै हटाउन भनेको छ । यूइएफएले यूएनले मान्यता दिएको बोर्डर लाईनलाई जर्सीमा राख्न कुनै आपत्ती नभएको तर त्यसमा राखिएको भनाई भने उचित नभएको बताएको छ ।
युक्रेनले सो जर्सी सार्वजनिक गरेपछि रसियाले आपत्ती जनाएको थियो ।