न्यूजिल्याण्डका विकेटकिपर वाट्लिङले पनि दाेस्राे टेष्ट गुमाउने
- नेप्लेज
- |
- २०७८-०२-२७
- |
- 607 पटक हेरिएको
न्यूजिल्याण्डका विकेटकिपर ब्याट्सम्यान बीजे वाट्लिङले इंग्ल्याण्डविरुद्धको दोस्रो टेष्ट गुमाउने भएका छन । विहिबारबाट सुरु हुने दोस्रो टेष्टका लागि उनी पुर्ण रुपमा फिट नभएपछि बाहिर हुने भएका छन ।
वाटलिङको स्थानमा टोम ब्लुन्डेलले लिने भएका छन । ब्लुन्डेलले सन् २०१७ को डिसेम्बरमा वेष्ट इन्डिजविरुद्ध डेब्यु गरेका थिए । उनले अहिलेसम्म १० टेष्टमा दुई शतक बनाएका छन भने दुई अर्धशतक हिर्काएका छन ।
वाटलिङको चोटका विषयमा न्यूजिल्याण्ड टिमले पछिल्लो २४ घण्टा कुरेको थियो । तर सो समयमा कुनै प्रगति नभएपछि दोस्रो टेष्टबाट बाहिर राखिएको हो ।
दोस्रो टेष्टमा न्यूजिल्याण्डमा नियमित कप्तान केन विलियम्सनपनि खेल्न नपाउने भएका छन । उनलाई टेष्ट च्याम्पियनसिपको फाइनलका लागि आराम दिइएको छ । उनको स्थानमा टोम लाथमले कप्तानी गर्ने भएका छन ।