नेपाली मुलकी अस्मिता एस्टाेन भिल्लाकाे सिजनकाे उत्कृष्ट महिला खेलाडी
- नेप्लेज
- |
- २०७८-०२-११
- |
- 800 पटक हेरिएको
नेपाली मुलकी अस्मिता आले २०२० र २१ को सिजनको उत्कृष्ट खेलाडी भएकी छिन ।
भोटिङका आधारमा भएको सो अवार्ड जितेकी हुन । एफएको महिला सुपर लिगको उपाधि जितेको एस्टोन भिल्लाले पाँच जना खेलाडीलाई सिजनको उत्कृष्ट खेलाडीको मनोनयनमा राखेको थियो ।
जसमा अस्मिता आले, एलिशा डो, अनिता असान्ते, जोडी हुटोन र लिजा वि थिइन । जसमा सपोर्टसको भोटका आधारमा अस्मिता सिजनको उत्कृष्ट खेलाडी बन्न सफल भइन ।
बेलायतमा जन्मिएकी अस्मिताले दुई बर्ष अगाडी एस्टोन भिल्लाको महिला टिमसँग सम्झौता गरेकी थिइन । उनी प्रिमियर लिग खेल्ने पहिलो नेपाली मुलकी खेलाडीपनि हुन ।
पुर्खौली घर तनहुँ भएपनि उनको जन्म र हुर्काई बेलायतमा नै भएको थियो । २० बर्षे अस्मिता आठ बर्षको उमेरदेखि एस्टोन भिल्लाको एकेडेमीमा आबद्ध भएकी थिइन । डिफेन्डर अस्मिताले इंग्ल्याण्डका यू १९ टिमबाट पनि खेलिसकेकी छिन ।