बार्सिलोनामा पहिलो क्रिकेट स्टेडियम निर्माण हुँदै
- नेप्लेज
- |
- २०७८-०२-१०
- |
- 493 पटक हेरिएको
इंग्ल्याण्ड, अस्ट्रेलियामा, दक्षिण अफ्रिका जस्ता धेरै देशमा क्रिकेट निकै नै लोकप्रिय खेल मानिन्छ ।
तर, फुटबलमा लोकप्रिय मानिने स्पेनको बार्सिलोनमा पहिलो क्रिकेट मैदान पनि बन्ने भएको छ ।
त्यसका लागि भारत र पाकिस्तानका महिला टिमले निकै प्रयास गरेका छन् ।
फुटबल पछि बार्सिलोना सहर क्रिकेटमा पनि अगाडि आउने प्रयासमा रहेको खबर अन्तर्राष्ट्रिय सञ्चारमाध्यमहरुले जनाएका छन् ।
बार्सिलोनमा भारत र पाकिस्तानका महिला खेलाडीले लामो समयदेखि क्रिकेट खेले पनि त्यहाँ राम्रो पिच थिएन ।
त्यसका लागि खेलाडीहरुले नै पटक पटक पिच बनाउन आग्रह गर्दै पनि आएका थिए ।
पिच निर्माणका लागि उनीहरुले उपकरणको व्यवस्था मिलाएको जनाइएको छ ।
अहिले बार्सिलोनाले ३० मिलियन युरोको लागतमा स्टेडियन पनि तयार पार्ने योजनाका साथ काम गरिरहेको छ ।
यो नै त्यहाँको पहिलो क्रिकेट स्टेडियम पनि हुने छ ।