Mega Bank
Prabhu Bank

भलिबलको कर्भड निर्माणको फाइल मन्त्रालयमा थन्कियो, कबड्डीलाई पनि साेही स्थानमा जग्गा दिन परिषद्को अर्को पत्र!

Kelme Nepal
  • नेप्लेज
  • |
  • २०७८-०२-०८
  • |
  • 37 पटक हेरिएको

मुक्तिबाबु रेग्मी । नेपालको राष्ट्रिय खेल भलिबल बनेको औपचारिक रुपमा चार बर्ष पुरा भएको छ । २०७४ साल जेठ आठ गतेका दिन तत्कालिन प्रधानमन्त्री पुष्पकमल दाहाल प्रचण्डको पालामा भलिबललाई नेपालको राष्ट्रिय खेल बनाइएको थियो ।

भलिबललाई राष्ट्रिय खेल बनाइँदा जुन जोश र जाँगरका साथ योजनहरु बनेका थिए, त्यसका आधा पनि अहिलेसम्म पुरा भएका छैनन् ।

भलिबल संघले आफ्नो देशलाई राष्ट्रिय खेल बनाउँदा अब आफ्नो सुविधा सम्पन्न कर्भडहल बनाउने भन्ने योजना बनाएको थियो । त्यो, योजना अहिलेसम्म पुरा हुन सकेको छैन ।

संघले कर्भडहलका लागि विभिन्न स्थानमा जग्गा पनि हेरेको थियो । तर अन्तिममा बुढानिलकण्ठ स्कुलको प्राङ्गणमा कर्भडहल बनाउने र त्यो कर्भडहललाई सो स्कुलले पनि प्रयोग गर्न पाउने भन्ने भद्र सहमति भएको थियो ।

यसका लागि भलिबल संघले अध्यक्ष मनोरञ्जनरमण शर्माको संयोजकत्वमा समिति बनाएको थियो ।

उक्त समितिले कर्भडहलको निर्माणका लागि राष्ट्रिय खेलकुद परिषद्सँग समन्वय गरेर काम गर्ने भनिएको थियो । परिषद्ले भलिबल कर्भडहलको डीपीआरका लागि ५० लाख रुपैयाँ छुट्याएको सदस्य सचिव रमेश कुमार सिलवालले बताएका थिए ।

भलिबल संघले आफ्नो फाइल परिषद् हुँदै गत फागुनमा युवा तथा खेलकुद मन्त्रालयमा गएको थियो । तीन महिनादेखि त्यो फाइल अहिले पनि मन्त्रालयमा नै थन्किएको छ । जसका कारण परिषद्ले भलिबलको डीपीआरका लागि छुट्याएको रकम फ्रिज हुने अवस्थामा पुगेको छ ।

यतिमात्र होइन, जुन जग्गामा भलिबलको कर्भडहल बनाउने भनेर संघले प्रस्ताव गरेर फाइल अगाडि बढेको छ, त्यहि ठाँउमा कबड्डीको कर्भडहलका लागि जग्गा उपलब्ध गराउन भनेर परिषद्बाट नै पत्र गएको बुझिएको छ ।

बुढानिलकण्ठको गुठीको नाममा रहेको जग्गालाई उपलब्ध गराउनका लागि निकै लम्बा प्रक्रिया रहेको छ । गुठीको जग्गा लिनका लागि भूमिसुधारबाट मन्त्रालय हुँदै मन्त्रिपरिषद्बाट पनि अनुमोदन हुनुपर्छ ।

यता, संस्कृति पर्यटन तथा नागरिक उड्डयन मन्त्रालयले पनि त्यहाँको जग्गामा मठमन्दिर बनाउन खोजिरहेको र त्यसका लागि त्यहाँको जग्गा खालि गर्न खोजिरहेको बुझिएको छ ।

यस्तैमा यदि मन्त्री, सदस्य सचिव र गुठीका प्रतिनिधिबीच छलफल भएर निचोडमा निस्किएको खण्डमा त्यो जग्गा पाउने सजिलो प्रक्रिया हुनेछ ।

तर भलिबलको कर्भडहलको फाइल मन्त्रालयमा नै धुलोले भरिने बेला भइसक्दा कसैको ध्यान गएको छैन ।

अब अहिलेको राजनीति अवस्थाका कारण पनि भलिबलको कर्भडहलको प्रस्ताव त्यतिकै सेलाउने प्रबल संभावना रहेको छ ।

त्यसमा पनि यो असारसम्ममा डीपीएआरका लागि काम नभएको खण्डमा यो बर्ष छुट्याएको ५० लाख रुपैयाँ पनि फ्रिज हुने पक्का छ ।

नेपालको राष्ट्रिय खेल भलिबल भएपछि जुन अनुपातमा भलिबलमा लगानि र खेलाडीलाई सुविधा हुनुपर्ने हो त्यो भने अझै हुन सकेको छैन । यो बीचमा नेपाली पुरुष टिमले खाँसै केहि राम्रो नतिजा निकाल्न नसके पनि महिला टिमले भने बंगलादेशमा भएको एशियन सेन्ट्रल जोन महिला भलिबलको उपाधि जितेको थियो ।

यस्तै नेपालमा नै भएको दक्षिण एशियाली खेलकुद सागमा उपविजेता बनेको थियो । जुन सिमित स्रोत साधनका बीचपनि नेपाली महिला भलिबल टिमले पाएको ठूलो सफलता हो । नेपाली महिला भलिबल टिमको सफलतामा विर्सनै नहुने नाम हो प्रशिक्षक जगदीश भट्टको ।

राष्ट्रिय खेल भएको यो चार बर्षमा भबिलल संघले गर्ने नियमित कार्यक्रम जारी नै रहे । बीचमा संघले केहि राम्रा प्रायोजकलाई पनि भित्र्याएर बर्षको उत्कृष्ट खेलाडीलाई पुरस्कार दिनेखपनि प्रक्रिया शुरु गर्‍याे ।

पछिल्लो अवस्थामा नेपाल भलिबलको कार्यसमितिको कार्यकाल सकिएको छ । यस्तैमा नयाँ निर्वाचनको तयारीमा संघ लाग्दा कोभिडका कारण निषेधाज्ञाले गर्दा नयाँ निर्वाचन हुने या नहुने अझैं अन्योल नै छ ।

अब आउने भलिबल संघको नेतृत्वमा धेरैले इच्छा देखाए पनि राष्ट्रिय खेलको गरीमा बोकेको भलिबललाई माथि उठाउनका लागि र स्रोत साधन जुटाउने नेतृत्व आउँछ की आउँदैन त्यो अहिलेका यक्ष प्रश्न हो ।

भलिबल कभर्डहल बनाउन सहयोग गर्छु-सदस्यसचिव सिलवाल

भलिबललाई विकास गर्ने नेतृत्व आएको खण्डमा यो खेलले राम्रो फड्को लिने उतिकै संभावना छ । नेपालका सबै क्षेत्र र स्थानमा खेलिने भलिबलमा बर्षमा गन्तिमा मात्र दुई दर्जन भन्दा बढि प्रतियोगिता हुन्छन् ।

नेपालले खेल्ने एशियन महिला भलिबल गर्न चीनद्वारा अस्विकार, फिलिपिन्समा हुने

तर ती प्रतियोगितालाई ब्यवस्थित गरेर मापदण्डमा ल्याउनका लागि पनि संघ अहिलेसम्म चुकेको छ । आशा गरांै आगामी दिनमा त्यसको ब्यवस्थापनको काम हुनेछ ।

भलिबल संघले अन्तराष्ट्रिय स्तरकाे कभर्डहल बनाउने निर्णय

‘२ वर्ष भित्र भलिबलको सुविधा सम्पन्न कभर्डहल बन्छ’

भलिबलकाे सुविधासम्पन्न कभर्डहल बनाउन राताे किताबमा ५० लाख, बाँकी रकम सरकारसँग माग्ने

 

 

भर्खरै

Advertisement