ए डिभिजन राष्ट्रिय फुटसल लिग अनिश्चित समयका लागि स्थगित
- नेप्लेज
- |
- २०७८-०१-२८
- |
- 707 पटक हेरिएको
अखिल नेपाल फुटबल संघको आयोजनामा हुने राष्टिय ए डिभिजन फुटसल लिग अनिश्चितसमयका लागि स्थगित भएको छ ।
एन्फाले विज्ञेप्ती जारी गर्दै जेठ एक गतेबाट हुने भनिएको फुटसल लिग अनिश्चित समयका लागि स्थगित जनाएको छ ।
१० टिमको सहभागिता हुने भनिएको प्रतियोगिता कोभिडका कारण अन्तिम समयमा आएर स्थगित भएको छ । प्रतियोगिता लागि सबै टिमको छनौट भइसकेको छ भने तयारीपनि अन्तिम चरणमा पुगेको थियो ।
तर कोभिडका कारण लकडाउन भएपछि प्रतियोगिता अनिश्चित समयका लागि स्थगित भएको छ । प्रतियोगिताको विजेताले १० लाख रुपैयाँ पाउनेछ भने उपविजेताले ५ लाख रुपैयाँ पाउनेछ ।
अब यो प्रतियोगिताका लागि एन्फाले अर्को मिती तय गर्ने भएको छ । पछिल्लो पटक नेपालमा कोभिडको असर निकै बढेकाले सरकारले लकडाउन गर्दा खेलकुद गतिविधी स्थगित हुन थालेका छन ।