वेष्टह्यामको शीर्ष चारभित्र पर्ने सम्भावना कायमै
- नेप्लेज
- |
- २०७८-०१-२१
- |
- 557 पटक हेरिएको
वर्नलीमाथि उसैको मैदानमा २–१ गोलको पुनरागमन जित हासिल गरेपछि इंग्लिस प्रिमियर लिगमा वेष्टह्यामले शीर्ष चार भित्रको सम्भावनालाई कायमै राखेको छ ।
पछिल्ला २ खेलमा पराजित भएको वेष्ट ह्यामले १९ औं मिनेटमा पेनाल्टीमार्फत पछि परेको थियो । बर्नलीका क्रिस उडले पेनाल्टीमा गोल गरी अग्रता दिलाएका थिए ।
तर २ मिनेटपछि नै मिचेल एन्टोनियाले बराबरी गोल फर्काए । २९ औं मिनेटमा उनैले व्यक्तिगत दोस्रो गोल गरेपछि टोलीले अग्रता लियो । बाँकी समयमा दुवै टोलीबाट थप गोल हुन सकेन ।
जितपछि पाँचौं स्थानमा रहेको वेष्टह्यामले चौथो स्थानको चेल्सीसँगको दूरी ३ अंकमा झारेको छ । लिगमा अब ४ खेल खेल्न बाँकी छ ।