एनएसएलः काठमाडाैं भर्सेस पाेखराकाे भिडन्त
- नेप्लेज
- |
- २०७८-०१-१७
- |
- 303 पटक हेरिएको
नेपाल सुपर लिगमा आज काठमाडौं रेजर्स र पोखरा थन्डर्सविच प्रतिस्पर्धा हुँदैछ । दशरथ रंगशालामा हुने खेल नेपाली समय अनुसार साँझ साँढे ५ बजेबाट सुरु हुनेछ ।
धनगढी एफसीसँग तीन शुन्यको फराकिलो हार ब्यहोरेको काठमाडौं त्यो पराजयलाई भुलेर जितको लक्ष्यका साथ मैदानमा उत्रिनेछ ।
विकेश कुथुको कप्तानीमा रहेको काठमाडौंले दुई खेलमा एक जित र एक हार ब्यहोरेको छ ।
आज काठमाडौं पोखरालाई हराएर अंक तालिकामा छलाङ मार्ने लक्ष्यमा छन । पहिलो खेलमा ललितपुरलाई एक शुन्यको झिनो अन्तरले जितेको काठमाडौं दोस्रो खेलमा भने पराजित भएको थियो ।
यता पोखराले पनि सुरुवाती दुई खेलमा एकमा जित र एक हारेको छ । उसले बुटवल लुम्बिनीलाई हराएको थियो भने विराटनगरसँग पराजित भएको थियो ।
आजको खेललाई नवयुग श्रेष्ठ भर्सेस विकेश कुथुका रुपमा पनि लिइएको छ ।