Mega Bank

टियु मैदानबाहिर देखिएको घुँइचो,आयोजकको गल्ती कि दर्शकमा चेतनाको कमी ?

Kelme Nepal
  • नेप्लेज
  • |
  • २०७८-०१-११
  • |
  • 277 पटक हेरिएको

सूर्य ध्वज तामाङ,नेप्लेज। कोरोनाको दोस्रो लहर शुरु भएकाले रंगशालामा भिडभाड नगर्न सरकारले निर्देशन दिएपछि क्यानले गत मंलबारदेखि घरेलु मैदानमा जारि त्रिकोणात्मक सिरिजमा दर्शकलाई प्रवेश निषेध गर्ने निर्णय लियो ।

जसका कारण मैदानमा दर्शकको भिड नबढ्ने र कोरोनाको जोखिम पनि कम हुने क्यानको विश्वास थियो । तर त्यसको ठिक उल्टो तब भैदियो जब हजारौँ दर्शकहरु टियु मैदानको बाहिरै उभिएर नेपालको खेल हेर्न आइपुगे ।

अधिकांश दर्शकहरु नेपालको खेल हेर्न उत्साहित देखिन्थे । केही हदसम्म सामाजिक दुरी पालना गरेर मैदान प्रवेश गनै दिनुपर्ने धेरै समर्थकहरुको माग थियो । शनिबार नेपाल र नेदरल्यिाण्ड्सबिचको फाइनल खेलमा त झन दर्शक संख्य सोचेभन्दा अधिक थियो ।

शनिबार परेकाले टियु मैदानको गेटबाहिर भेला भएका दर्शकहरु सबैले मास्क त लगाएका थिए तर भौतिक दुरी भने कायम भएको थिएन ।

सयौँ संख्यामा दर्शकहरु एकै ठाउँमा झुम्मिएर खेल नियालिरहेका थिए  भने केही दर्शकहरु  रुखमा चढेर नेपालको पक्षमा कराइरहेका देखिन्थे । खेलको समाप्तिपछि मैदानबाहिर पानीका बोतल र चाउचाउका प्लास्टिकहरु छरपष्ट देखिन्थे ।

आखिर यस्तो महामारीका बिच जोखिमलाई वास्तै नगरि किन भेला भए त हजारौँ दर्शक ?

जवाफमा धेरै समर्थकले यो नेपाली क्रिकेटप्रतिको प्रेम भएको बताए भने यसमा आफुहरुको मात्र गल्ति नभएर दर्शकलाई व्यवस्थापन गर्न नसक्नु सरकारको गल्ति भएको बताए । मैदानबाहिर दर्शकको भेला देख्दा मैदानबाहिर भन्दा भित्रै सुरक्षित होला भन्ने भान हुन्थ्यो ।

आखिर जे गरे पनि नेपाली क्रिकेट समर्थकहरुले मैदानमै आएर खेल हेर्न भने छाडेनन् । हुन पनि किन नहोस आफ्नै घरेलु मैदानमा जारी खेल त्यसमाथि पनि नेपाली टिमको उत्कृष्ट प्रदर्शन ।

केही दर्शकले भने मैदान प्रवेश नदिएर सरकारले गलत निर्णय लिएको बताए । आजको मैदानबाहिरको माहोल र र शुरुका खेलहरुमा भित्रको माहोलमा केही फरक थिएन । फरक मात्र आजको खेलमा दर्शकहरु मैदनको काँडेतार बाहिर थिए ।

फाइनल खेलमा त दर्शकलाई बारमा टाँसिन पनि मनाही गरिएको थियो । नेपालको खेलमा मैदानबाहिरै भए पनि कोरोनाको वास्तै नगरि दर्शकको उल्लेखनिय सहभागिताले नेपाली फ्यानहरु क्रिकेटप्रति कत्ति मरिहत्ते गर्छन् भन्ने प्रमाणित गरिदिएको थियाे ।

तिनै दर्शकको हौसलाका साथमा नेपाली टिम फाइनल खेलमा डच टिमलाई पराजित गर्दै त्रिकोणात्मक सिरीजको उपाधि घरमै सुरक्षित राख्न सफल रह्याे ।

भर्खरै

Advertisement