बर्षाले फेरी मलेसिया र नेदरल्याण्ड्सको खेल रोकियो
- नेप्लेज
- |
- २०७८-०१-०८
- |
- 416 पटक हेरिएको
त्रिकोणात्मक टी २० सिरिजमा नेदरल्याण्ड्सले मलेसियालाई एक सय २० रनको लक्ष्य दिएको छ ।
बर्षाका कारण १३ ओभरमा झारिएको खेलमा नेदरल्याण्ड्सले सात विकेट गुमाउदै एक सय सात रन बनायो । तर डक वर्थ एण्ड लुइसको नियमका आधारमा मलेसियाले एक सय २० रनको लक्ष्य पायो ।
कीर्तिपुर मैदानमा टस हारेर ब्याटिङको निम्तो पाएको नेदरल्याण्ड्सले १० ओभर दुई बलमा तीन विकेट गुमाएर ६८ रन बनाउँदा बर्षाले खेल रोकिएको थियो । जसका कारण त्यसपछि सुरुहुँदा खेल १३ ओभरमा झारिएको हो ।
खेलको सुरुवातमा मलेसियाले नेदरल्याण्ड्सलाई निकै दबावमा राखेको थियो । उसले डच टिमको स्कोर २२ रन हुँदा तीन विकेट लिएको थियो । तर त्यसपछि पिटर सेलार र बेन कुपरविच ६६ रनको साझेदारी हुँदा टिम सम्हालिएको थियो ।
नेदरल्याण्ड्सका लागि कुपरले ५४ रन बनाए भने सेलारले ३७ र एन्टोनियुस स्टालले १० रनको योगदान गरे ।
जवाफमा मलेसिया ६ ओभरमा ५६ रनमा विना विकेटको क्षतीमा खेलिरहेका बेला दोस्रो पटक बर्षाले खेल रोकिन पुग्यो । यो अवस्थामा यदि बर्षाले खेल सुचारु हुन सकेन भने मलेसिया विजयी हुनेछ ।
जसका कारण फाइनलमा पुग्ने दुई टिमको होड खुल्ला नै हुनेछ ।