फ्रेन्च लिग वानमा शीर्ष स्थानको लिलीले बराबरी खेल्यो
- नेप्लेज
- |
- २०७८-०१-०४
- |
- 438 पटक हेरिएको
फ्रेन्च लिग वान फुटबलमा शीर्ष स्थानको लिली बराबरीमा रोकिएको छ ।
शुक्रबार राति भएको खेलमा लिली आठौं स्थानको मोन्टपिलरसँग एक एक गोलको बराबरीमा रोकिँदै एक एक अंक बाँड्न बाध्य भएको थियो ।
घरेलु मैदानमा एक गोलले पछि परेको शीर्ष स्थानको लिलीले दोस्रो हाफको अन्त्यतिर बराबरी गरेको थियो ।
२१ औं मिनेटमा मोन्ट पिलरका लागि एन्डी डेलोर्टले गोल गर्दै शुरुवाती अग्रता दिलाएका थिए ।
पहिलो हाफमा एक गोलले पछि परेको लिलीले ८५ औं मिनेटमा बराबरी गोल फर्काएका थियो ।
उसका लागि लुईज अरुगोले गोल गर्दै बराबरीमा ल्याएका थिए ।
यो नतिजासँगै शीर्ष स्थानको लिलीले ३३ खेलबाट ७० अंक बनाएको छ भने एक खेल कम खेलेको पीएसजीको ६६ अंक रहेको छ ।
तेस्रो स्थानमा रहेको मोनाकोको ६५ अंक रहेको छ ।