एएफसी कप छनौटः आर्मीको परिक्षा आज बैंगलुरु एफसीसँग
- नेप्लेज
- |
- २०७८-०१-०१
- |
- 506 पटक हेरिएको
एएफसी कपको प्रारम्भिक छनौट अन्तर्गत दोस्रो चरणको खेलमा त्रिभुवन आर्मी टिमले आज बैंगलुरु एफसीसँग खेल्दैछ ।
गोवाको जिएमसी स्टेडियममा हुने खेल नेपाली समय अनुसार आजराति आठ बजेबाट सुरु हुनेछ । एएफसी लाइसेन्स पाएपछि पहिलो पटक एएफसीको प्रतियोगिता खेलिरहेको आर्मीका लागि सुनिल क्षेत्रीको कप्तानीमा रहेको बैंगलुरु एफसी ठूलो चुनौती रहेको छ ।
पहिलो चरणको खेलमा आर्मीले घरेलु मैदानमा श्रीलंकन पुलिस टिमलाई पाँच एकले हराएको थियो । तर दोस्रो चरणको खेलमा आर्मीका कप्तान भरत खवास, स्ट्राइकर जर्ज प्रिन्स कार्की, टेक बहादुर बुढाथोकी र विकेश कुथुको अनुस्थिती खड्किने देखिन्छ ।
चारै खेलाडी टिमबाट बाहिर रहेका छन । अब आर्मीको जिम्मेवारी नवयुग श्रेष्ठको हातमा बढि रहेको छ । यता भारतीय फुटबल टिमका कप्तान सुनील क्षेत्रीको कप्तानीमा रहेको बैंगलुरु टिम राम्रो रहेको छ । आइएसएल खेलिरहेको टिम बैंगलुरु यो सिजनमा सातौं स्थानमा रहेको थियो ।
सन् २०१५ र १६ मा एएफसी कपको फाइनलमा पुगेको बैंगलुरु एफसीले सन् २०१८ र १९ मा छनौट हुन सकेन ।
उसले अहिलेसम्म पाँच पटक एएफसी कप खेलिसकेको छ भने दुई पकटक एएफसी च्याम्पियन्स लिग खेलेको छ । जसमा उसले २०१६ र १७ मा च्याम्पियन्स लिगको इन्टरजोनलको सेमिफाइनलमा पुगेको थियो । अघिल्लो संस्करणको एएफसी कपमा प्लेअफसम्म पुगेको थियो ।