नव जनजागृती युवा क्लव सिमरा गोल्डकपको क्वाटरफाइनलमा
- नेप्लेज
- |
- २०७७-१२-३१
- |
- 514 पटक हेरिएको
नव जनजागृती युवा क्लव सिमरा गोल्डकपको क्वाटरफाइनलमा प्रवेश गरेको छ । मंगलबारबाट सुरु भएको प्रतियोगिताको उद्घाटन खेलमा नव जनजागृतीले बागमती गाउँपालिकालाई चार दुई गोल अन्तरले पराजित गर्यो ।
सिमरामा भएको निकै रोमाञ्चक खेलमा नव जनजागृतीका लागि लुइस भिडाल र डोना थापाले दुई दुई गोल गरे । उसले खेलमा निकै उत्कृष्ट कमब्याक गर्न सफल भयो ।
खेलमा जितको नजिक पुगेका बागमती गाउँपालिकाविरुद्ध खेलको अन्तिममा दुई गोल गर्दै नव जनजागृतीले रोमाञ्चक जित निकाल्न सफल भयो ।
प्रतियोगितामा उत्कृष्ट खेल खेलेका डोना थापा म्यान अफ दी म्याच बने । उनले पाँच हजार रुपैयाँ पाए । प्रतियोगितामा बुधबार त्रिभुवन आर्मी र विरगञ्ज युनाइटेडविच खेल हुनेछ ।
पहिलो पटक सिमरा गोल्डकप रात्रिकालिन समयमा भएको हो । प्रतियोगिताको विजेताले सात लाख रुपैयाँ पाउनेछ ।