आईपीएलमा पञ्जावको रोमाञ्चक जित
- नेप्लेज
- |
- २०७७-१२-३१
- |
- 996 पटक हेरिएको
इन्डियन प्रिमियर लिग क्रिकेट आईपीएलमा पञ्जाव किंग्सले विजयी शुरुवात गरेको छ ।
सोमबार राति मुम्बईको वानखडे स्टेडिमयमा निकै प्रतिस्पर्धात्मक खेलमा पञ्जावले राजस्थान रोयल्समाथि ४ रनको रोमाञ्चक जित निकालेको हो ।
पहिलो ब्याटिङ गरेको पञ्जावले निर्धारित ओभरमा ६ विकेट गुमाएर २२१ रनको विशाल योगलफल तयार पारेको थियो ।
२२२ रनको लक्ष्य पछ्याएको राजस्थानले निर्धारित समयमा ७ विकेट गुमाएर २१७ रन मात्रै बनाउन सक्यो ।
राजस्थानका कप्तान सन्जु सामसनले शतकीय पारि खेलेका थिए । ६३ बल फेस गरेका सामसनले सात छक्का र १२ चौका प्रहार गरेका थिए ।
यसैगरी जोस बटलर र रियान परागले समान २५–२५ रन बनाउँदा शिबम दुवेले २३ रनको योगदान गरे ।
पञ्जावका लागि अर्सदीपले तीन विकेट लिँदा मोहमद सामीले दुई विकेट हात पारे ।
पहिला ब्याटिङ गर्दा पञ्जावका लागि केएल राहुलले ९१ रनको उत्कृष्ट पारि खेले ।
५० बलमा उनले पाँच छक्का र सात चौका प्रहार गरेका थिए ।
दीपक हुडाले ६४ रन बनाउँदा क्रिस गेलले ४० रनको योगदान गरे ।
राजस्थानका लागि चेतन साकरियाले तीन तथा क्रिस मोरिसले दुई विकेट हात पारे ।