पाकिस्तान सुपर लिग जुन १ बाट फेरी सुरु, सन्दिप भने नजाने
- नेप्लेज
- |
- २०७७-१२-२९
- |
- 315 पटक हेरिएको
कोरोनाका कारण स्थगित भएको पाकिस्तान सुपर लिग फेरी जुन एक तारिखबाट सुरु हुने भएको छ । जसको फाइनल जुन २० मा हुने भएको छ । यो प्रतियोगिताका लागि अब नेपाली खेलाडी सन्दिप लामिछाने भने खेल्न नजाने भएका छन ।
पाकिस्तानमा यो प्रतियोगिता भइरहेका बेला केहि खेलाडीमा कोरोना देखिएपछि विचमा नै स्थगित भएको थियो । जसका कारण रासिद खानको स्थानमा लाहोर कलन्डर्सबाट खेल्न गएका सन्दिप एक खेलपनि नखेलि फर्किएका थिए ।
तर अब यो प्रतियोगिता हुने बेला सन्दिप बेलायतामा हुने टी २० ब्लास्त र द हन्ड्रेड खेल्न जाने भएकाले पीएसएलमा नजाने भएका छन ।
बेलायतमा टी २० ब्लास्ट जुन नौ तारिखबाट सुरु भएर १८ तारिखसम्म हुनेछ । त्यसपछि जुलाई २१ बाट द हन्ड्रेड सुरु हुनेछ ।
प्रतियागिताको करिव १५ दिन अगाडी नै सन्दिपले बेलायत पुग्नुपर्नेछ । त्यहाँ पुगेर बेलायत सरकारले तोकेको समय अनुसार क्वारेन्टिनमा बस्नुपर्नेछ ।
द हन्ड्रडमा सन्दिप ओभलमा आबद्ध छन । सन्दिपले करिव साँढे दुई महिना यी दुई प्रतियोगिताका लागि बेलायतमा विताउनेछन ।
यदि यो विचमा नेपाली राष्ट्रिय टिमको खेल परेको अवस्थामा उनी फर्किनेछन । नभए उनले पुरै समय दुई प्रतियोगिताका लागि समय दिनेछन ।