आर्मीको जितको यात्रा कायमै
- नेप्लेज
- |
- २०७७-१२-२२
- |
- 383 पटक हेरिएको
आरबीबी एनभीए राष्ट्रिय महिला तथा पुरुष क्लव भलिबल प्रतियोगितामा विभागिए टिम त्रिभुवन आर्मीले आफ्नो जितको यात्रालाई कायमै राखेको छ । आज भएको खेलमा आर्मीले भरतपुर मेट्रो क्लवलाई तीन शुन्यको सोझो सेटमा पराजित गर्यो ।
त्रिपुरेश्वर स्थित राखेपको कर्भडहलमा भएको खेलमा आर्मीले भरतपुरलाई २५–९, २५–८ र २५–१३ को सेटमा हरायो ।
आर्मीले भरतपुरविरुद्ध पहिलो सेटबाट नै दबाव दिएको थियो ।
जसमा पहिलो सेट २५–९ ले जित्यो भने दोस्रो सेट २५–८ ले आफ्नो पक्षमा पार्यो । तेस्रो सेटमा पनि २५–१३ को जित निकाल्दै आर्मीले आफ्नो विजयी यात्रा कायम राख्यो ।