रेफ्रीमाथि कुटपिट गर्ने ६ खेलाडी र प्रशिक्षक प्रतिबन्धमा
- नेप्लेज
- |
- २०७७-१२-१९
- |
- 281 पटक हेरिएको
खेलका बेला रेफ्रीमाथि कुटपिट गरेका ६ खेलाडी र एक प्रशिक्षकलाई मोरङ जिल्ला फुटबल संघले प्रतिबन्ध लगाएको छ।
प्रतिबन्धमा पर्ने खेलाडीमा राज तामाङ, सनम मुडीयारी, सोनम कार्की र पुस्कार राई छन्। उनीहरूलाई नेपालभर खेल्न नपाउने गरी २ वर्ष प्रतिबन्ध लगाइएको छ। यस्तै खेलाडी आकाश धिमाल र सनम तामाङलाई एक बर्षकाे महिनाको प्रतिबन्ध लागेकाे छ ।
प्रशिक्षक साजन खाम्बा लिम्बुलाई जिल्ला फुटबल संघले १८ महिनाको प्रतिबन्ध लगाएकाे छ । पथरी शनिश्चरे भुटानी सिविरले गरेको वडा स्तरीय फुटबल प्रतियोगिताका दौरान रेफ्री र सहायक रेफ्रीमाथि मंगलबार कुटपिट भएको थियो। सो खेलमा सुरक्षा दिन नसकेको कारणले आयोजकलाई ११ हजार जरिवाना लगाइएकाे छ ।
खेलमा पथरी सिविरले वडा नम्बर १० लाई १-० ले पराजित गरेको थियो। त्यसपछि खेलाडीहरू रेफ्री मनिस खड्का र सहायक रेफ्री जमुना मगरमाथि कुटपिटमा उत्रिएका थिए। कुटपिटबाट जमुनाको टाउकोबाट रगत आएको थियो।