ललितपुर महानगरपालिकाको सहयोग र नेपाल क्रिकेट संघको आयोजनामा यहि चैत २१ गतेबाट सुरु हुने मेयर कप महिला क्रिकेट प्रतियोगिताका लागि प्रदेश एक क्रिकेट टिमको घोषणा भएको छ ।

रुवीना क्षेत्रीको कप्तानीमा रहेको टिममा १४ खेलाडी समावेश गरिएको छ ।

टिममा यसअघि दाङमा भएको पीएम कप महिला क्रिकेट खेलेका खेलाडीलाई नै निरन्तरता दिइएको छ ।

पाँच टिमको सहभागिता रहेको प्रतियोगतामा प्रदेश एकले पहिलो खेलमा नै एपीएफसँग खेल्नेछ ।

त्यसपछि दोस्रो खेल लुम्बिनी प्रदेशसँग छ । लिगको तेस्रो खेलमा प्रदेश एकले सुदुरपश्चिम प्रदेश र अन्तिम खेलमा ललितपुर मेयर ११ टिमसँग खेल्नेछ ।

प्रदेश एककाे टिम यस्ताे छ

रूविना क्षेत्री (कप्तान), काजोल श्रेष्ठ (उपकप्तान), अप्सरी बेगम, रोमा थापा, संगीता  राइ, सबनम राइ, ज्योति दनवार, निंग्मा तामाङ्ग, निशा शाह, लकिता राजबंशी, अलिशा खडिया, स्मृति कटुवाल, प्रज्ञा कटुवाल, टिका शाह