भारत र इंग्ल्याण्ड एक दिवसीय सिरिजका लागि ‘गर या मर’ को अवस्थामा
- नेप्लेज
- |
- २०७७-१२-१४
- |
- 472 पटक हेरिएको
भारत र इंग्ल्याण्डबीचको तेस्रो तथा निर्णाएक एक दिवसीय क्रिकेट प्रतियोगिता आइतबार हुँदै छ । तीन म्याचको सिरिजमा दुवै टिमले एक एक खेल जितेपछि सिरिजको छिनोफानो अन्तिम एक दिवसीयबाट हुने छ ।
अहिलेको अवस्थामा सिरिज जित्नका लागि भारत र इंग्ल्याण्ड दुवै टिम ‘गर या मर’को अवस्थामा छन् । पछिल्लो खेलमा भारतले दिएको ३३७ रनको लक्ष्य इंग्ल्याण्डले ६ विकेटले जित दर्ता गर्दा ३९ बल बाँकी नै राखेको थियो । सोही नतिजाका कारण इंग्ल्याण्ड टिमको मनोबल पनि उच्च रहेको छ ।
भारतीय कप्तान विराट कोलहीले दुवै एक दिवसीइमा अर्धशतक बनाउँदा केएल राहुलले एउटामा अर्धशतक र अर्कोमा शतक प्रहार गरेका थिए । यसैगरी अर्का खेलाडी ऋषभ पन्तको पनि विस्फोटक पारि विर्सन केही समय अझैं लाग्ने छ ।
व्याटिङमा दुवै टिमले उत्कृष्ट प्रदर्शन गरेकाले सिरिज जित्नका लागि बलिङको भूमिका निकै नै महत्वपूर्ण हुने छ । कागजमा दुवै टिम राम्रो भए पनि राम्रो खेल्ने टिमले सिरिजमाथि कब्जा जमाउने छ ।
भारतीय टिम
शिखर धवन, रोहित शर्मा, विराट कोहली (कप्तान), ऋषभ पंत, केएल राहुल (विकेटकीपर), हार्दिक पांड्या, क्रुणाल पांड्या, शार्दुल ठाकुर, भुवनेश्वर कुमार, युजवेंद्र चहलरकुलदीप यादव र प्रसिद्ध कृष्णा ।
इंग्ल्याण्ड टिम
जेसन रॉय, जॉनी बेयरस्टो, लियाम लिविंगस्टोन, डेविड मलान, बेन स्टोक्स, जोस बटलर (कप्तान), मोईन अली, सैम करन, आदिल राशिद, मार्क वुडरटॉम करन, रीस टॉपली।