महिलालाई अपमान हुने तरिकाको अभिब्यक्ति दिएपछि पदबाट राजिनामा दिएका योसिरो मोरी बाहिरीएपछि पछिल्लो एक महिनामा टोकियो ओलम्पिकका लागि नाम दर्ता गरेका एक हजार जना स्वयंसेवकले नाम फिर्ता लिएका छन ।

लैगिंक विभेद हुने अभिब्यक्तिका कारण पदबाट राजिनामा दिएर नयाँ प्रमुख चयन भएपछि स्वयंसेवकले काम छोड्ने क्रम बढेको छ । जसमा पछिल्लो एक महिनामा मात्र एक हजार जना पुगेका छन ।

विभिन्न खेलस्थल, भाषा रुपान्तरण, विदेशी पाहुनालाई घुमाउनका लागि छानिएका एक हजार स्वयंमसेवकले काम नगर्ने भन्दै छोडेको रोयटर्सले जनाएको छ ।

यसरी स्वयंमसेवकले काा छोड्न थालेपछि आयोजकलाई अर्को चुनौती थपिएको छ । कोरोनाका कारण एक बर्ष सरेको टोकियो ओलम्पिक फेरी यो बर्षपनि तोकेको समयमा नै हुन्छ की हुँदैन भन्ने अन्योलको अवस्था कायमै छ ।

टोकियो ओलम्पिक आयोजकले स्वयंमसेवकले यसरी छोड्नुको कारण मोरीको अभिब्यक्ति हरेको बताएका छन । यसका साथै पछिल्लो पटक कोरोनाको प्रभावपनि अर्को कारण रहेको बताइएको छ ।

टोकियो ओलम्पिकका लागि कुल ८० हजार स्वयंमसेवक आवश्यक पर्ने आयोजकले बताएका छन । त्यसमा पनि थप ३० हजार स्वयंमसेवक टोकियो सरकारले नै जुटाएको छ । तर यसरी छोड्ने क्रम जारी रहेकाले अझै कतिले काम गर्न नचाहनेहुन भन्ने एकिन छैन ।