टाइगर कप आमन्त्रित क्लब भलिबल च्याम्पियनसिको फाइनल आज
- नेप्लेज
- |
- २०७७-११-०१
- |
- 393 पटक हेरिएको
टाइगर कप आमन्त्रित राष्ट्रिय क्लब भलिबल च्याम्पियनसिप अन्तर्गत पुरुष र महिला तर्फका फाइनल खेल आज हुँदै छन् । महिलाको फाइनल खेल मध्यान्ह १२ बजे हुने छ भने पुरुष तर्फको फाइनल खेल भने २ बजेपछि शुरुहुने छ ।
पुरुष तर्फको उपाधिका लागि विभागीय क्लब त्रिभुवन आर्मी र गण्डकी प्रदेशबीच प्रतिस्पर्धा हुँदै छ ।
लिगमा गण्डकीले आर्मीलाई ३–१ को सेटमा हराएको थियो । त्यही नतिजालाई निरन्तरता दिने लक्ष्यमा गण्डकी हुने छ ।
यस्तै महिला तर्फको फाइनलमा भने दुई विभागीय क्लब एपीएफ र नेपाल पुलिस आमने सामने हुने छन् । लिग चरणमा एपीएफमाथि पुलिस हावी भएको थियो ।
यो प्रतियोगिता पुरुष र महिला दुवै तर्फका विजोले १ लाख ५० हजार पुुरस्कार पाउने छन् भने उपविजेताले ७५ हजारमा चित्त बुझाउनु पर्ने छ ।
सर्वोत्कृष्ट पुरुष र महिला २०–२० हजार प्राप्त गर्ने छन् । उत्कृष्ट सर्भर,सेटर, ब्लकर, डिफेण्डर तथा स्पाइकर पुरुष र महिला खेलाडीले समान ५–५ हजार नगद प्राप्त गर्ने छन् ।