प्रिन्सले नेपाल नम्बर एक रत्नजीतलाई हराए
- नेप्लेज
- |
- २०७७-०८-२५
- |
- 378 पटक हेरिएको
नेप्लेज । सिन्धुपाल्चोकको चौतारामा जारी तेस्रो चौतारा साँघाचोकगढी मेयरकप तथा प्रथम तोप–२१ ब्याडमिन्टन प्रतियोगितामा युवा खेलाडी प्रिन्स दाहालले नेपाल नम्बर १ रत्नजीत तामाङलाई पराजित गरेका छन् ।
राष्ट्रियस्तरको प्रतियोगितामा पुरुष एकलतर्फ शिल्क ग्रुपका प्रिन्सले रत्नजीतलाई हराएको यो पहिलोपल्ट हो । यसअघि आठौं राष्ट्रिय खेलकुदमा टिम स्पर्धामा उनले रत्नजीतमाथि जित निकालेका थिए ।
बिहीबार अपराह्न भएको सेमिफाइनल खेलमा उनले रत्नजीतमाथि २१–१९ र २१–१५ सेटमा जित निकाल्दै फाइनल प्रवेश गरेका हुन् ।
प्रतियोगितामा जिल्लास्तरीय खेलाडीबीच पुरुष र महिला एकल तथा राष्ट्रिय स्तरमा पुरुष एकल गरी तीन विधामा प्रतिस्पर्धा भइरहेको छ ।
राष्ट्रियस्तरतर्फको उपाधि विजेताले १ लाख ११ हजार १ सय ११ रुपैयाँ पुरस्कार पाउनेछन् ।