ढोरपाटन भलिबलमा पुलिसको दोहोरो जित
- नेप्लेज
- |
- २०७४-१०-१३
- |
- 201 पटक हेरिएको
माघ १३, काठमाडौं । ढोरपाटन महिला डवल लिग भलिबलमा नेपाल पुलिसले दोहोरो जित हासिल गर्दा न्यू डायमण्ड एकेडेमी र नेपाल एपीएफ क्लवले आफ्नो अपराजित यात्रा कायमै राखेका छन् ।
नयाँ बसपार्कस्थित ढोरपाटन भलिबल प्रशिक्षण केन्द्रमा शनिबार भएका खेलहरुमा नेपाल पुलिसले त्रिभुवन आर्मी क्लव र श्रीगाउँ खेलकुद बिकास समितिको टोलीबिरुद्ध जित हासिल गरेको हो ।
आर्मीबिरुद्ध २५–१३, २५–२३ र २५–२० को सेटमा जित हासिल गरेको पुलिसले श्रीगाउँलाई २५–७, २५–११ र २५–११ कै सेटमा सहज जित निकाल्यो ।
त्यस्तै एपीएफले टप्स स्कुलको टोलीलाई २५–१८, २५–१३ र २५–१४ को जित निकाल्यो । न्यू डायमण्ड एकेडेमीले पनि पूर्वाञ्चल भलिबल संघको टोलीबिरुद्ध २५–५, २५–५ र २५–३ को सहज जित दर्ता गरायो ।
शनिबारै भएका अन्य खेलहरुमा श्रीगाउँको टोलीले मेघौली स्पोर्टस क्लवको टोलीलाई तथा मेघौलीले थ्रीस्टार एकेडेमीको टोलीलाई ३–० को सोझो सेटमा हरायो ।