सिपीएलमा मोर्गनले युनिग्लोबलाई १ सय ५२ रनले हरायो
- नेप्लेज
- |
- २०७४-११-२३
- |
- 186 पटक हेरिएको
फागुन २३, काठमाडौ । एक्सपर्ट कलेज प्रिमियर लिग अन्तर्गत काठ्मान्डौं जिल्लाको छैठो दिनको पहिलो खेलमा मोर्गन कलेजले युनिग्लोब ए टिमलाई १ सय ५२ रनको भारी अन्तरले हराएको छ ।
टस जितेर पहिलो ब्याटिङ गरेको मोर्गन कलेजले निधारीत २० ओभरको खेलमा ६ विकेट गुमाउदै २ सय ३९ रनको लक्ष्य दिएको थियो । उसका लागी आयुशमान बमले सर्वाधिक १ सय ३५ र सुरज बोहराले ८२ रन जोडेका थिए ।
बलिङ तर्फ युनिग्लोब ए का अर्विन्द यादवले ३ ओभर १८ रन ३ विकेट लिएका थिए ।
जवाफमा युनिग्लोब १३.५ ओभरमा ८७ रनमा अलआउट भयो । उसका लागी शास्वत पौडेलले १५ रन बनाउदा बाँकि खेलाडी सस्तैमा आउट भए । बलिङ तर्फ मोर्गन कलेजका सरोज ऐरले ४ विकेट लिए ।