अन्तरकलेज फुटबलको उपाधि पव्लिक ज्ञानज्योतिलाई
- नेप्लेज
- |
- २०७४-१०-२९
- |
- 222 पटक हेरिएको
माघ २९, दाङ । जिल्लास्तरीय अन्तर कलेज फुटबल प्रतियोगिताको उपाधि पव्लिक ज्ञानज्योति कलेज तुलसीपुरले जितेको छ ।
संगठित युवा क्लब तुलसीपुरको आयोजनामा संचालित प्रतियोगिताको फाइनलमा राप्ती बबई बहुमुखी क्याम्पस तुलसीपुरलाई ४–१ गोलले हराउँदै ज्ञानज्योतिले उपाधि जितेको हो ।
उपाधिसँगै उसले नगद २० हजार रुपैयाँ पुरस्कार पाएको छ । उपविजेता राप्ती ववईले १० हजार पाएको छ ।
अरनिको मैदानमा भएको फाइनल खेलको १५ औ मिनेटमा ज्ञानज्योतिका लागि गणेश नेपालीले पहिलो गोल गर्न सफल भए ।
खेलको पहिलो हाफको समाप्तीमा १–० ले अगाडि रहेको पव्लिक ज्ञानज्योतीले दोश्रो हाफको सुरुवातीमै आक्रमक खेल प्रर्दशन गरेको थियो ।
नेपाली खेलको ५४औं र ६४औं मिनेटमा थप २ गोल गरी ह्याट्रिक पूरा गरे । ज्ञानज्योतिका लागि अर्को गोल सुरज डाँगीले ८२औं मिनेटमा गरेका तिए । बबईका तर्फबाट भूपेश डाँगीले ८८औं मिनेटमा सान्त्वना गोल फर्काए ।
एक साता चलेको प्रतियोगितामा दाङका ८ वटा कलेजले भाग लिएका थिए ।
प्रतियोगिताको उत्कृट खेलाडी बबई क्याम्पसका भुपेश डाँगी, उत्कृष्ट स्ट्राइकर पव्लिक ज्ञानज्योतीका गणेश नेपाली, उत्कृष्ट गोल रक्षक राप्ती बबई क्याम्पसका सरोज केसी, उत्कृट मिडफिल्डर पव्लिक ज्ञानज्योतीका सुनिलबाबु डाँगी र अनुशासित टिम गोरखा इन्टरनेशनल स्कुल घोराही घोषित भए ।