सन् २०१९ मा नेपालमा हुने भनिएको दक्षिण एशियाली खेलकुद सागसम्म तयार पार्ने योजनाका साथ यतिबेला सातदोबाटोमा रहेको अन्तराष्ट्रिय पौडी पोखरीको छेउमा हिटिङ सिस्टमको पौडी पोखरीको काम अगाडी बढीरहेको छ ।

पुर्वाधारको अभावका कारण मौसमी खेलका रुपमा रहेको पौडीलाई बार्है खेल्नयोग्य बनाउन पहिलो पटक नेपाल सरकार र नेपाल पौडी संघको लगानीमा हिटिङ सिस्टमको पौडी पोखरीको निर्माण भइरहेको छ । नेपालमा पौडी खेल भन्ने वितिक्कै सिजनेवल खेलका रुपमा लिइन्छ । गर्मि याम हुदा राष्ट्रिय प्रतियोगिताहरु हुने तर जाडो याममा पौडी प्रतियोगिता देखि खेलाडीले पनि प्रशिक्षणका लागि निकै कठिनाई भोग्दै आएका छन ।

तर पौडी खेलाडीलाई १२ महिना नै प्रशिक्षण गर्न सजिलो होस र प्रतियोगिताहरु पनि बर्षभरी नै गर्न सकियोस भनेर यतिबेला हिटीङ पुलको निर्माण सुरु भएको छ । सातदोबाटो स्थित अन्तराष्ट्रिय पौडी पोखरीको छेउमा गत असोज महिनामा सिलन्यास गरिएको पौडी पोखरीको अहिले बेस ढलानको काम भएको छ ।

कुल २२ करोड रुपैया लगानी हरेको पौडी पोखरीमा संघले २० प्रतिशत र बाकि नेपाल सरकारको लगानी रहेको छ ।  नेपाल पौडी संघका अध्यक्ष, अशोक बज्राचार्यले २०१९ को फेब्रेवरीको अन्तिमसम्ममा टेकेदारले संघलाई हस्तान्तरण गर्ने र मार्चमा हुने सागका लागि पौडी पोखरी तयार हुने बताए ।

पाँच रोपनी क्षेत्रफलमा रहेको यो पौडी पोखरी २५ मिटर लामो हुनेछ । अन्तराष्ट्रिय स्तरको मापदण्ड हुने पौडी पोखरीको समयमै निर्माण काम सम्पन्न भएमा पौडी खेलाडीका लागि ठुलो राहत हुने देखिएको छ ।

हिटिङ पौडी पोखरी नुहदा पौडी संघलाई पनि प्रतियोगिता आयोजनाका लागि निश्चित समयमा गर्नुपर्ने दबाव रहदै आएको छ । यतिमात्र होइन खेलाडीले पनि अफसिजनमा प्रशिक्षण गर्नुपरेमा नेपालमा असम्भव जस्तै हुने गरेको छ ।
त्यसका लागि लाखौ रुपैया खर्च गरेर बैदेशिक प्रशिक्षणका लागि जानुपर्ने बाध्यता छ । यति यो पौडी पोखरी विचमा नै अलपत्र नपरे नयाँ खेलाडी उत्पादनमा पनि ठुलो सहयोग मिल्नेछ ।

फोटो फिचर