आहा राराको सेमिफाइनलमा आज पुलिस र धरान भिड्दै
- नेप्लेज
- |
- २०७४-१०-१८
- |
- 183 पटक हेरिएको
माघ १८, कास्की । पोखरामा जारी आहा रारा गोल्डकप फुटबलमा आज दोस्रो सेमिफाइनल अन्तर्गत नेपाल पुलिस र धरान फुटबल क्लवबीच खेल हुनेछ ।
पोखरा रंगशालामा दिउँसो ३ बजेदेखि सुरु हुने खेलको बिजेताले थ्रीस्टारसँग शनिबार उपाधिका लागि प्रतिस्पर्धा गर्नेछ ।
थ्रीस्टार हिजो भएको पहिलो सेमिफाइनलमा बंगलादेशी क्लव उत्तर बरिधारालाई ५–० गोलले हराउँदै फाइनलमा पुगेको थियो ।
क्वार्टरफाइनलमा पुलिसले मनाङ मर्स्याङ्दी र धरानले त्रिभुवन आर्मी क्लवलाई हराउँदै सेमिफाइनलमा भेट पक्का गरेका थिए । दुवै टोली सिजनको पहिलो उपाधिको खोजीमा हुनेछन् ।