दाेस्राे अभ्यास खेल पनि नेपालले जित्याे, सन्दिपले लिए ५ विकेट
- नेप्लेज
- |
- २०७४-१०-१७
- |
- 171 पटक हेरिएको
माघ १७ । आइसीसी विश्व क्रिकेट लिग डिभिजन टूको तयारीका लागि बैदेशिक प्रशिक्षणमा रहेको नेपाली क्रिकेट टिमले लगातार दोस्रो जित निकालेको छ ।
आज भएको खेलमा नेपालले युएई ए टिमलाई १९३ रनले हरायो ।
युएइको ग्लोबल क्रिकेट एकेडेमीको मैदानमा भएको खेलमा नेपालले टस जितेर ब्याटिङ गरेको नेपालले ५० ओभरमा पाँच विकेट गुमाउँदै ३३३ रन बनाएको थियो ।
नेपालका लागि ज्ञानेन्द्र मल्लले उत्कृष्ट १५४ रनको पारी खेले । पहिलो खेलमा २५ रनको जित निकालेको नेपालका ज्ञानेन्द्र मल्ल र दिलिप नाथले पहिलो विकेटका लागि एक सय ४२ रनको साझेदारी गरे ।
दिपिल ६४ रनमा आउट हुँदा अनिलकुमार शाह १४ रन जोडे । यस्तै दिपेन्द्रसिंह ऐरी ३४ रन बनाउदा आरिफ शेखले ४१ रनको योगदान गरे ।
जवाफमा युएई ए टिम ४०.२ ओभरमा १४० रनमा अलआउट भयो ।
युएर्इ ए काे पारी ध्वस्त पार्न नेपालका सन्दिप लामीछानेले पाँच विकेट लिए ।
उसका लागि मोहम्मद कसिमले सर्वाधिक ४१ रन बनाउँदा बाँकी खेलाडी सस्तैमा आउट भए ।