ढोरपाटन भलिबलको दोस्रो लिग सुरु
- नेप्लेज
- |
- २०७४-१०-१६
- |
- 206 पटक हेरिएको
माघ १६, काठमाडाैं । १३औं ढोरपाटन महिला डबल लिग भलिबलमा मंगलबारदेखि सुपर लिगका खेलहरु सुरु भएका छन् । पहिलो लिगमा उत्कृष्ट भएका सात टिमहरुबीचको दोस्रो लेग सुरु भएको हो ।
सुपरलिग अन्तर्गत मंगलबार ५ खेलहरु भए । गोंगबुस्थित ढोरपाटन भलिबल प्रशिक्षक केन्द्रमा भएको खेलमा पहिलो लिगको शीर्ष स्थानमा रहेको एपीएफ क्लवले मेघौली स्पोर्टस क्लवको टोलीलाई २५–१९, २५–११ र २५–९ को सोझो सेटमा हरायो ।
मेघौलीले दोस्रो हार व्यहोर्ने क्रममा न्यू डायमण्ड एकेडेमीसँग ५–७, २५–८ र २५–९ को सेटमा पराजित भयो ।
मंगलबार दोहोरो जित निकालेको न्यू डायमण्डले नेपाल पुलिसबिरुद्धको खेल भने ३–१ को सेटमा जित्यो । न्यू डायमण्डले २५–१८, १९–२५, २५–२२ र २५–१२ को सेटमा जित हासिल गरेको हो ।
मंगलबारकै अर्को खेलमा त्रिभुवन आर्मीले दाङको श्रीगाउँ खेलकुद बिकास समितिको टोलीलाई ३–० को सोझो सेटमा पराजित गर्दा पोखराको टप्स स्कुलको टोलीसँग भने ३–० कै सेटमा पराजित हुन पुग्यो ।